Бахши кор бо ҷавонон ва варзиши шаҳри Истаравшан 23.04.2021

Тибқи нақшаи тасдиқгардида санаи 23 апрели соли 2021 дар муассисаи таҳсилоти миёнаи умумии №20 хониши сиёсӣ таҳти унвони “Ҷавонон , 30 – солагии Истиқлолияти давлатӣ ва манфиатҳои миллӣ ” бо иштироки мудири бахши кор бо ҷавонон ва варзиши шаҳри Истаравшан Ҳотамзода Аскар , раиси Иттифоқи нависандагони Ҷумҳурии Тоҷикистон дар шаҳри Истаравшан , шоира Раънои Зоирдухт , шоири бачагона Валиҷон Акбарӣ , мудири бахши фарҳанги шаҳр Назарова Шаҳло ва аъзои ташкилоти ҷамъиятии маҳфили “ Пайравони Пешвои миллат ” Ўрунова Шоира байни хонандагони 14-18 сола ва волидайни онҳо баргузор гардид .

Зимни мулоқот яке аз масъалаҳои муҳими рӯзмарра, пешгирии ҷинояткорӣ байни ҷавонон ва шомилшавии онҳо ба гуруҳҳои ифротгароӣ , иҷроиши Қонуни Ҷумҳурии Тоҷикистон “ Дар бораи масъулияти падару модар дар таълиму тарбияи фарзанд ” ва тарбияи ҷавонон дар рӯҳияи ватандӯстӣ ва хештаншиносӣ мавриди таҳлил қарор дода шуд .

Дар рафти мулоқот шоирон чиҳати баланд бардоштани маърифатнокӣ ва саводнокии ҷавонон маслиҳатҳои муфидро ба толибилмон гуфта , аз эҷодиёти худ шеърҳои тозанашрро ба иштирокдорон қироат намуданд. Дар рафти маҳфил тарбиятгарони мактаби санъати шаҳри Истаравшан аз рӯйи навозандагӣ маҳорати худро нишон доданд .

Дар навбати худ хонандагони муассисаи мазкур , ки иштирокдорони озмуни “Фурӯғи субҳи доной китоб аст ” аз руйи номинатсияҳои гуногун баромад намуданд .

Мавриди қайд аст, ки оиди таҳлил ва таҳрезии шоҳбайтҳои шоирони классики тоҷик қироат карда шуда , байни толибилмон викторинаҳо доир карда шуд . Фаъолони маҳфил бо туҳфаҳои шоирон қадрдонӣ карда шуданд.