Субҳи 20 январи соли 2024 дар асоси дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон вобаста ба таъмини меъёрҳои Қонуни Ҷумҳурии Тоҷикистон “Дар бораи муроҷиатҳои шахсони воқеӣ ва ҳуқуқӣ” дар толори мақомоти иҷроияи ҳокимияти давлатии шаҳр қабули арзу муроҷиати шаҳрвандон аз ҷониби раиси шаҳри Истаравшан Адҳам Маъмурзода баргузор гардид.
Имруз маҷмӯъан 46 нафар сокинони шаҳру деҳот доир ба масъалаҳои гирифтани замини наздиҳавлигӣ, кӯмакҳои молиявӣ, ҳалли баҳсҳои оилавӣ, гирифтани табобати ройгон, таъсис ва баҳси хоҷагиҳои деҳқонӣ, таъмири роҳ, сохтмони иншоотҳои гуногун, ҷойгир намудан ба мактаб интернат ва мусоидат ҷиҳати таъмин шудан бо оби нӯшокӣ муроҷиат намуданд.
Зимни гуфтугӯи озод бо шаҳрвандон раиси шаҳри Истаравшан муроҷиат ва дархосту шикояти онҳоро қабул намуда, бобати ба қайд гирифтани муроҷиатҳо ва ҳалли саривақтии онҳо ба масъулини соҳа дастуру супоришҳои мушаххас дод.
Қабули арзу муроҷиати шаҳрвандон аз ҷониби раиси шаҳри Истаравшан ҳар ҳафта рӯзи шанбе дар мақомоти иҷроияи ҳокимияти давлатии шаҳр ва дар дигар рӯзҳои ҳафта аз ҷониби муовинони раиси шаҳр қабули муроҷиати шифоҳии шаҳрвандон доир ба масъалаҳои мухталиф баргузор мегардад.
Дафтари матбуоти раиси шаҳри Истаравшан
Leave a Reply